ԱՐԴԻԱԿԱՆ ԹԵՄԱՆԵՐ
  • 254 ՄՎտ հզորությամբ նոր էլեկտրակայան կկառուցվի
    Ներկայացված ներդրումային ծրագրի շրջանակում կկառուցվի 254 ՄՎտ հզորությամբ նոր համակցված շոգեգազային ցիկլով էլեկտրակայան։Կկատարվի ընդհանուր շուրջ 124 մլրդ դրամի ներդրում։Երեք տարվա ընթացքում, կառուցման շրջանում, կստեղծվի 704 նոր աշխատատեղ՝ 256 հազ. դրամ միջին աշխատավարձով եւ 106 աշխատատեղ՝ 545 հազ. դրամ միջին աշխատավարձով՝ շահագործման ընթացքում։Նյութի աղբյուրը՝   https://banks.am
  • Դոլարի փոխարժեքը կայուն է. եվրոն էժանացել է
    ԱՄՆ դոլարի փոխարժեքն այսօր՝ սեպտեմբերի 11-ին, կազմել է 476.34 դրամ՝ նախորդ օրվա համեմատ նվազել է 0.01 դրամով: Այդ մասին տեղեկանում ենք Կենտրոնական բանկի պաշտոնական կայքից։Եվրոյի փոխարժեքը կազմել է 524.83 դրամ (նվազել է 1.35 դրամով), բրիտանական ֆունտի փոխարժեքը կազմել է 588.85 դրամ (աճել է 1.94 դրամով), իսկ ռուսական ռուբլու փոխարժեքը կազմել է 7.28 դրամ (մնացել է անփոփոխ)։ Թանկարժեք մետաղների համար բանկի կողմից սահմանվել են հետեւյալ գները. արծաթ՝ 275.51 դրամ, ոսկի՝ 22,945.23 դրամ, պլատին՝ 14,380.49 դրամ: Նյութի աղբյուրը`              https://news.am
  • Հայաստանը բարելավել է դիրքը Զբոսաշրջության մրցունակության ինդեքսում
    Համաշխարհային տնտեսական ֆորումի հրապարակած զեկույցի համաձայն՝ Հայաստանը հինգ կետով բարելավել է դիրքը 2019թ. Զբոսաշրջության մրցունակության ինդեքսում։«Հայաստանն այժմ զբաղեցնում է 79-րդ տեղը, նախորդ՝ 84-ի փոխարեն»: Banks.am-ը նշում է, որ զբոսաշրջության մրցունակության ինդեքսը կազմվում է ոլորտի կայուն զարգացման համար երկրներում ստեղծված պայմանների ու հնարավորությունների դիտարկմամբ։Այս տարի լավագույն եռյակում են Իսպանիան, Ֆրանսիան եւ Գերմանիան։Վրաստանը զբաղեցրել է 68-րդ հորիզոնականը, Իրանը՝ 89-րդը, Ադրբեջանը՝ 71-րդը,  իսկ Թուրքիան՝ 43-րդը։140 երկրնե
  • Կազմվել է աշխարհի խոշորագույն ընկերությունների թոփ-100-ը՝ ըստ եկամուտների
    Թոփ-100-ի տվյալները վերցվել են աշխարհի խոշորագույն ընկերությունների Fortune Global 500 վարկանիշից: Ընկերությունների եկամուտները հաշվարկվել են 2018 թվականի համար:Աշխարհի բոլոր խոշոր ընկերություններն օգտվում են տնտեսության գլոբալացման առավելություններից: Թվարկված ընկերություններից շատերը հարյուր միլիարդավոր դոլարներ են ստանում: Fortune ամսագիրն ամեն տարի հրապարակում է ամենամեծ եկամուտներն ունեցող աշխարհի խոշորագույն ընկերությունների վարկանիշը: Ըստ howmuch-ի ստեղծված այս վիզուալացումը ներկայացնում է ընկերությունների թոփ-100-ը՝ տրամադրելով տեղեկատվութ
  • Հայաստանը շարունակում է մնալ առաջատարը ԵԱՏՄ-ում տնտեսական աճի մակարդակով
    2019 թվականի հունվար-հունիս ամիսներին նախորդ տարվա նույն ժամանակաշրջանի նկատմամբ ԵԱՏՄ անդամ երկրներում համախառն ներքին արդյունքն աճել է 1 տոկոսով։ Միության երկրների շարքում ամենաբարձր տնտեսական աճը, ինչպես անցած տարի, այնպես էլ՝ ընթացիկ տարում գրանցել է Հայաստանը՝ 6.8 տոկոս, այնուհետև Ղրղզստանը՝ 6.4 տոկոս։ Նշված ժամանակահատվածում միության ներսում ներդրումներն աճել են 2.1 տոկոսով, որի գծով ամենից բարձր աճը նկատվել է Ղազախստանում՝ 11.7 տոկոս։Եվրասիական տնտեսական հանձնաժողովը հրապարակել է ԵԱՏՄ անդամ երկրների ընթացիկ տարվա հունվար-հուլիս ամիսնե
  • Դրամի փոխարժեքը 10:50-ի դրությամբ - 05/09/19
      ՀՀ բանկերի կողմից սահմանված փոխարժեքները սեպտեմբերի 5-ի ժամը 10:50-ի դրությամբ հետևյալն են. ԱՄՆ դոլարի առքի ամենաբարձր փոխարժեք` 476.00 դրամ (+0.00 դր.), վաճառքի ամենացածր փոխարժեք՝ 478.00 դրամ (+0.50 դր.): Եվրոյի առքի ամենաբարձր փոխարժեք՝ 524.00 դրամ (+3.00 դր.) և վաճառքի ամենացածր փոխարժեք՝ 528.00 դրամ (+2.00 դր.): Ռուբլու առքի ամենաբարձր փոխարժեք՝ 7.20 դրամ (+0.09 դր.), իսկ վաճառքի ամենացածր փոխարժեք՝ 7.30 դրամ (+0.09 դր.): Ucom - Լայնաշերտ ինտերնետ՝ սկսած 6000 դրամից: Նյութի աղբյուրը`       https://b24.am
  • Շվեյցարիայում «խելացի» արևային էլեկտրակայան են մշակել շենքերի ճակատների համար
    Շենքերի ճակատների համար «խելացի» արևամարտկոցներ են ստեղծել Ցյուրիխի տեխնիկական համալսարանի (ETHZ) ինժեներները:Պանելները կարող են շարժվել հորիզոնական և ուղղաձիգ ուղղությամբ՝ ընտրելով անհրաժեշտ կողմնորոշումն Արեգակի նկատմամբ՝ տվյալ շրջանում շենքերի օպտիմալ ջեռուցման կամ սառեցման նպատակով: Իրենց մշաման մասին մասնագետները պատմել են Nature Energy հանդեսում՝ տեղեկացնում է TASS-ը:Ինչպես իր կայքում նշել է ETHZ-ն, պրոֆեսոր Առնո Շլյուտերի ղեկավարած գիտական խումբն ստեղծել է «տեղափոխելի արևային պանելների համակարգ էլեկտրականության արտադրության հա
    Թեժ գիծ
    +374 (047) 959555
    էներգետիկ ոլորտում գործող բոլոր սակագները հիմնավորված են
    24 Մայիսի 2019

    Վերջին շրջանում բնակչության մեջ ապատեղեկատվություններ են տարածվում այն մասին, որ հանրային ծառայությունների ոլորտում, հատկապես էներգետիկ համակարգում գործող սակագներն իրականում պետք է լինեն շատ ու շատ ավելի ցածր, քան սահմանված են:
    Արցախի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովն ստիպված է արձագանքել նշված ապատեղեկատվություններին և որպես ոլորտի կարգավորող ներկայացնել իր մասնագիտական մոտեցումը:
    Արցախի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովը հանրային ծառայությունների և տնտեսական մրցակցության ոլորտում իրականացնում է պետական քաղաքականության մի մասը հանդիսացող կարգավորումը, այն է՝ օրենքներով սահմանված իր լիազորությունների իրականացմամբ հավասարակշռել սպառողների ու հանրային ծառայությունների և տնտեսական մրցակցության ոլորտում կարգավորվող գործունեություն իրականացնող անձանց շահերը:
    Հենց այս սկզբունքն էլ դրված է Հանձնաժողովի կողմից իրականացվող գործունեության, այդ թվում՝ սակագնային քաղաքականության հիմքում:
    Տեղեկացնում ենք, որ Արցախի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովը հանրային ծառայությունների ոլորտներում մատուցվող՝ կարգավորման ենթակա ծառայությունների սակագները հաշվարկում և սահմանում կամ վերանայում է օրենքներով ամրագրված սկզբունքների, Հանձնաժողովի որոշումներով հաստատված սակագների հաշվարկման մեթոդիկաների՝ հաշվարկային բանաձևերի հիման վրա, ինչպես նաև հաշվի առնելով պետություն-մասնավոր հատված գործընկերության ծրագրերի շրջանակում կնքված համաձայնագրերի պահանջները:
    Ընդհանրապես սակագների մշակման գործընթացն իրականացվում է հիմնականում հետևյալ երկու փուլով.
    1) ընկերությունների տարեկան անհրաժեշտ հասույթի մեծության հաշվարկ.
    2) ծախսերի վերլուծություն, դասակարգում, սակագների կառուցվածքի ընտրություն և սակագնային դրույքների հաշվարկ:
    Անհրաժեշտ հասույթը, որը ընկերություններին թույլատրվում է ստանալ սակագների միջոցով, պետք է բավարար լինի ընկերությունների հուսալի, անվտանգ և շարունակական գործունեության համար պահանջվող բոլոր ծախսերը կատարելու և ներգրավված կապիտալի դիմաց ողջամիտ շահույթ ստանալու համար:
    Միևնույն ժամանակ հարկավոր է ընդգծել, որ սակագների վրա էական ազդեցություն ունեն մի շարք գործոններ: Այդ գործոնները դասակարգվում են հետևյալ հիմնական խմբերում՝    

    -արտադրության և սպառման կառուցվածքի փոփոխություն,
    -կուտակված մաշվածության արդյունքում շահույթի նվազում,
    -իրականացված կապիտալ ներդրումների արդյունքում մաշվածության և շահույթի ավելացում,
    -վարկային միջոցների մարման և սպասարկման ծախսերի փոփոխություն,
    -աշխատավարձի գծով ծախսի կրճատում կամ ավելացում,
    -շահույթի նորմայի կրճատում,
    -վերականգնվող էներգետիկ ռեսուրսներով գործող էլեկտրաէներգիա արտադրող կայանների սակագների աճ,
    -այլ ծախսային հոդվածների փոփոխություն:     
    Հենց այս գործոններն էլ ձևավորում են սակագները: Նույն սկզբունքը գործում է նաև Հայաստանի Հանրապետությունում:
    Ամփոփելով վերը նշվածը՝ Հանձնաժողովը հավաստիացնում է, որ միչև այսօր սահմանված և վերանայված բոլոր սակագներն հիմնավորված են համապատասխան օրենքներով և Հանձնաժողովի որոշումներով ամրագրված սկզբունքներով, արդարացված են և հնարավորինս արտացոլում են համակարգի իրական պատկերը, ինչպես նաև պահպանված է շահագրգիռ կողմերի շահերի հավասարակշռությունը:
    Հանձնաժողովն ակնկալում է հանրության ողջամտությունը՝ չտրվել ապատեղեկատվությանն ու այն չընդունել որպես բացարձակ ճշմարտություն, և միևնույն ժամանակ պատրաստակամություն է հայտնում լսելու ու բազմակողմանիորեն քննարկելու բարձրացվող ցանկացած, բայց միևնույն ժամանակ հաշվարկներով հիմնավորված հարցերն ու խնդիրները, որոնց լուծումն իրականում նպաստ կբերի մեր պետությանն ու ժողովրդին:
       

    Նյութի  աղբյուրը՝     https://artsakhpress.am

                                                                                                                                                                                                                                                    
    << Վերադարձ ցուցակի