ԱՐԴԻԱԿԱՆ ԹԵՄԱՆԵՐ
  • ՌԴ-ն կխստացնի պատիժը ԵԱՏՄ-ից ալկոհոլի եւ ծխախոտի մաքսանենգ ներմուծման համար
    Ռուսաստանի ֆինանսների նախարարությունը մշակել է կառավարության որոշման նախագիծ՝ Եվրասիական տնտեսական միության (ԵԱՏՄ) այլ երկրներից ավելի քան 100 հազ․ ռուբլի արժողությամբ ալկոհոլային եւ ծխախոտային արտադրանքի ապօրինի ներմուծման համար քրեական պատասխանատվություն սահմանելու մասին: «Կոմերսանտ»-ի փոխանցմամբ՝ հարցը քննարկվել է ս․թ․ մայիսի 18-ին Եվրասիական տնտեսական հանձնաժողովի խորհրդի նիստում՝ ՌԴ նախաձեռնությամբ։ Մասնավորապես, քննարկվել են առանց հարկերի վճարման ալկոհոլային եւ ծխախոտային արտադրանքը Ռուսաստանում անլեգալ շրջանառության մեջ
  • «Գազի ընդհանուր շուկայի ստեղծման մասին պայմանագիրը պատրաստ կլինի այս տարի և կուղարկվի ԵԱՏՄ անդամ երկրներին». Մյասնիկովիչ
    Եվրասիական տնտեսական հանձնաժողովը աշխատում է գազի ընդհանուր շուկա ստեղծելու մասին միջազգային պայմանագրի նախագծի վրա: «Արմենպրես»-ի հաղորդմամբ՝ այս մասին հունիսի 21-ին տեղի ունեցած ճեպազրույցի ժամանակ հայտնել է Եվրասիական տնտեսական հանձնաժողովի (ԵՏՀ) կոլեգիայի նախագահ Միխայիլ Մյասնիկովիչը՝ ամփոփելով Բելառուսի գործարար համայնքի հետ հանդիպման արդյունքները: «Թեման առաջին տարին չէ, որ քննարկվում է, և մենք մեր առաջ խնդիր ենք դրել, որ այս տարվա ընթացքում փաստաթուղթը պատրաստ լինի և ուղարկվի անդամ երկրներին՝ ներպետական ընթացակարգերն իրական
  • ՄԱԿ. Երաշտը կարող է վերածվել հաջորդ համավարակի
    Ջրի սակավությունն ու երաշտը այն մասշտաբի վնաս կհասցնեն, որը համադրելի կլինի COVID-19-ի համավարակի հետ, ընդ որում՝ ռիսկերը արագորեն կաճեն գլոբալ ջերմաստիճանի բարձրացմանը զուգընթաց, հայտնում է Thomson Reuters Foundation-ը: «Երաշտը կարող է վերածվել հաջորդ համավարակի, եւ չկա դրա բուժման պատվաստանյութ»,- ՄԱԿ-ի զեկույցի հրապարակումից առաջ կայացած մամուլի ասուլիսում հայտարարել է աղետների ռիսկի նվազեցման հարցով ՄԱԿ-ի հատուկ ներկայացուցիչ Մամի Միզուտորին: Ըստ զեկույցի՝ երաշտները 1998-2017թթ․ արդեն հանգեցրել են առնվազն 124 միլիարդ դոլարի տնտեսական կորուստների եւ առն
  • ՀԲ. Հայաստանը կլիմայի փոփոխության ռիսկի տեսանկյունից՝ Արևելյան Եվրոպայի և Կենտրոնական Ասիայի չորրորդ ամենախոցելի երկիրն է
    Կլիմայի փոփոխության նկատմամբ խիստ խոցելի վիճակում գտնվող Հայաստանը ձեռնամուխ է եղել անտառածածկ տարածքների ընդարձակմանը և անտառներից ածխածնի կրճատմանը՝ նվազեցնելով վառելափայտի պահանջարկը և ներդնելով կենսակայուն և անտառների կառավարման՝ կլիմային հարմարեցված հմտություններ։ ՄԱԿ-ի Պարենի և գյուղատնտեսության կազմակերպության փոխանցմամբ, այս աշխատանքները նախատեսվում են ՄԱԿ-ի Պարենի և գյուղատնտեսության կազմակերպության (ՊԳԿ) անտառաբուծության ծրագրի միջոցով, որը Կանաչ կլիմայի հիմնադրամի (ԿԿՀ) կողմից ֆինանսավորվող առաջին լայնածավալ ծրագիրն
  • Հայաստանի կենտրոնական դեպոզիտարիան գործարկել է «CDAօnline» հավելվածը
    Հայաստանի կենտրոնական դեպոզիտարիան ստեղծել է «CDAօnline» հավելվածը, որտեղ հնարավոր է առցանց ստանալ տեղեկություններ արժեթղթերի հաշվից եւ փոխանցումների հանձնարարականներ տալ։ Հավելվածում ներդրողների եւ թողարկողների համար գործարկվել է նաեւ էլեկտրոնային քվեարկության՝ միջազգային ստանդարտներին համապատասխան մեխանիզմ, որն առաջինն է Հայաստանում։  «CDAօnline» հավելվածի միջոցով կարելի է տեղեկանալ ժողով հրավիրելու, դրա ժամկետների, օրակարգի մասին, ստանալ կից փաստաթղթերը, ժողովի ընթացքում հարցեր ուղղել թողարկողին (բաժնետիրական ընկերությանը)
  • Գերմանիայում սկսել են անբարեխիղճ հարկատուներով «զբաղվել»
    Գերմանիայի ֆինանսների նախարար Օլաֆ Շոլցը ակնկալում է բացահայտել մասշտաբային հարկային խարդախությունները՝ օգտագործելով Դուբայում Գերմանիայի քաղաքացիների ունեցվածքի մասին տվյալները, գրել է DW-ն: Գերմանիայի Դաշնային հարկային վարչությունը, ԳԴՀ ֆինանսների նախարար Օլաֆ Շոլցի անձնական ցուցումով, գնել է սկավառակ, որը պարունակում է «հարկերի հետ կապված տվյալներ Դուբայի Էմիրությունից»: «Խոսքը հնարավոր հարկային հանցագործությունները բացահայտելու մասին է: Հարկերից խուսափելը աննշան իրավախախտում չէ, այլ հանցագործություն է: Այս պարագայում զիջո
  • Թվային յուանը կարող է օգնել հարուստներին
    Իր թվային տարադրամը համաշխարհային մակարդակի դուրս բերելու հարցում Չինաստանի ծրագիրը, հնարավոր է, գտել է իր մեկնարկային կետը՝ Հոնկոնգում կապիտալի կառավարման ոլորտը, գրում է Bloomberg-ը: Անցած ամիս Չինաստանի Ժողովրդական բանկը հրապարակել է մանրամասն հրահանգներ Wealth Management Connect ծրագրի համար, որը թույլ կտա հարավ-արեւելյան մասերում որակավորված անհատական ներդրողներին ներդնել ընդհանուր առմամբ 150 միլիարդ յուան (23 միլիարդ դոլար) օֆշորներում հարեւան Հոնկոնգի եւ Մակաոյի բանկերի միջոցով: Երկու առանձնահատուկ վարչական շրջանների բնակիչները կօգնեն ներդնել ն
    Թեժ գիծ
    +374 (047) 959555
    ԼՂՀ ՀԾՏՄԿՊՀ-ն 10 տարեկան է(Ազատ Արցախ պաշտոնաթերթ)
    14 Հուլիսի 2017

    Հուլիսի 12-ին տեղի ունեցավ ԼՂՀ հանրային  ծառայությունները և տնտեսական մրցակցությունը կարգավորող պետական հանձնաժողովի (ՀԾՏՄԿՊՀ) հերթական նիստը: Հանձնաժողովի նախագահ Հակոբ Ղահրամանյանն այն սկսեց գործընկերներին ուղղված շնորհավորանքով. 10 տարի առաջ նույն այդ օրը Արցախում ստեղծվել է այս կառույցը: Եվ քանի որ  նիստն ինչ-որ տեղ հոբելյանական էր, Հ. Ղահրամանյանի առաջարկով, նախքան օրակարգային հարցերին անցնելը,  փոքր-ինչ էքսկուրս կատարվեց  հանձնաժողովի տասնամյա գործունեությանը, որը ներկայացրեց գլխավոր մասնագետ Նարինե Ղարաբեկյանը:

    Հանրային ծառայությունների և տնտեսական մրցակցության ոլորտում կարգավորումը պետական քաղաքականության մի մասն է, որի նպատակն է հավասարակշռել սպառողների ու հանրային ծառայությունների և տնտեսական մրցակցության ոլորտում կարգավորվող գործունեություն իրականացնող անձանց շահերը:  

    Այդ տարիների ընթացքում իրեն վերապահված լիազորությունների շրջանակում հանձնաժողովն ընդունել է հրամաններ, կարգադրություններ, ուղեցույցներ և որոշումներ` ուղղված տնտեսության ոլորտների զարգացմանը, էլեկտրաէներգետիկայի, ջրային համակարգի, հեռահաղորդակցության վերաբերյալ սակագների ընդունմանը, մենաշնորհների և գերիշխողների գործունեության կարգավորմանը:  

    Հանձնաժողովն ակտիվ համագործակցություն է ծավալել ինչպես հանրապետության օրենսդիր և գործադիր իշխանության, պետական կառավարման, տեղական ինքնակառավարման մարմինների, հասարակական կազմակերպությունների, այնպես էլ ՀՀ հանրային ծառայությունները կարգավորող հանձնաժողովի, հեռուստատեսության և ռադիոյի ազգային հանձնաժողովի ու տնտեսական մրցակցության պաշտպանության պետական հանձնաժողովի  հետ: 

    Ըստ ոլորտների ընդունվել է 882 որոշում, անցկացվել 8 համատեղ մամլո ասուլիս, տեղի է ունեցել  50-ից ավելի փոխադարձ այցելություն:  

    Կարգավորվել են էներգետիկայի, ջրամատակարարման բնագավառները: 

    Հաձնաժողովի կողմից առաջին անգամ սահմանվել են ԼՂՀ տարածքում վերականգնվող էներգիայի ռեսուրսների օգտագործման, էլեկտրական էներգիա արտադրող կայաններից առաքվող էլեկտրաէներգիայի վաճառքի սակագները: Հանձնաժողովը ԼՂՀ տարածքում լիցենզավորել է 18 ընկերությունների` տրամադրելով էլեկտրաէներգիայի արտադրության 15 և հէկերի կառուցման 24 լիցենզիա:  

    Էլեկտրոնային հաղորդակցության բնագավառի կարգավորման ենթակա սակագների սահմանման գործընթացը սկիզբ է առել 2008 թվականից: 2010թ. ինտերնետ ծառայության  գործող սակագները հանձնաժողովի որոշմամբ նվազեցվել են 70 տոկոսով: Բավականին աշխատանքներ են տարվել անշարժ ու շարժական հեռախոսակապի սակագների վերանայման ուղղությամբ` ի շահ բնակչությանը, և այդ բարեփոխումների գործընթացը շարունակական էր: 2010-2011թթ.  րոպեավճարների սակագները նվազել են: Արդյունքում սպառողների տնտեսումը կազմել է տարեկան մոտավորապես  733 միլիոն դրամ: Տվյալների հաղորդման և ինտերնետ հասանելիության ծառայության սակագների վերանայման արդյունքում սպառողների տնտեսումը մեկ տարվա կտրվածքով կազմել է մոտ 650 միլիոն դրամ:

    Այդ տարիների ընթացքում հանրապետությունում ինտերնետ կապի բաժանորդների թիվն աճել է մոտ 10 անգամ, իսկ ինտերնետ կապով ապահովվածությունը 5 բնակավայրից աճել է մինչև 202 բնակավայրի:

    Հանրապետությունում հեռուստատեսության և ռադիոյի ոլորտի զարգացման նպատակով հայտարարվեցին հաճախականությունների տրամադրման մրցույթներ, ինչն օրինական դաշտ բերեց բնագավառում գործող 3 և 10 նոր հեռուստառադիոընկերություններ:  

    2015թ. ԱՀ տարածքում առաջին անգամ տրամադրվեց ընդհանուր ուղղվածության հեռուստածրագրերի կաբելային (լարային)  հեռարձակման (վերահեռարձակման) լիցենզիա, որը թույլ տվեց լիցենզավորված ընկերությանը տրամադրել մալուխային և ինտերակտիվ հեռուստատեսության ծառայություններ, այդ թվում` համագործակցելով ավանդաբար գերիշխող օպերատորի ենթակառուցվածքների հետ, որը բաժանորդներին հնարավորություն տվեց մեկ մալուխով օգտվել 3 տարբեր ծառայությունից:  

    Տնտեսական մրցակցության պաշտպանության բնագավառում 2007-2017թթ. ընթացքում իրականացվել է ապրանքային շուկաների կառուցվածքի ուսումնասիրության, մենաշնորհ և գերիշխող դիրքի առկայության և չարաշահման բացահայտման, անբարեխիղճ մրցակցության կանխարգելման, համապատասխան օրենսդրության և իրավական ակտերի մշակման, ինչպես նաև բազում այլ աշխատանքներ:    

    Սպառողների շահերի պաշտպանության և բարեխիղճ միջավայրի ապահովման նպատակով հանձնաժողովը նշված ժամանակահատվածում Ստեփանակերտ քաղաքում և շրջաններում իրականացրել է 340 դիտանցում` անբարեխիղճ մրցակցության դրսևորումների հայտնաբերման, դրանց դադարեցման և հետագայում բացառելու ուղղությամբ: Դիտանցումների արդյունքում բացառվել է մի շարք կեղծ ապրանքների շրջանառությունն Արցախում: Ուշադրության կենտրոնում էր նաև կենցաղային տեխնիկայի, հագուստի և կոշիկի իրացման օբյեկտներում սեզոնային բնույթ կրող զեղչերի արտապատկերումը կամ այլ միջոցներով դրանց գովազդումը: Նշված և այլ անբարեխիղճ մրցակցության դրսևորումների համար հանձնաժողովն իրականացրել է 18 ծանուցում և 29 վարչական վարույթ, որոնց արդյունքում  սուբյեկտները ենթարկվել են պատասխանատվության և վերացրել խախտումները:  

    Հանձնաժողովը համագործակցության շրջանակներում հանրության, հասարակական կազմակերպությունների և ԶԼՄ-ների հետ ապահովել է գործունեության   թափանցիկու-թյունը, հրապարակայնությունը, հանրության հետ փոխադարձ կապը և  վերջինիս հնարավորինս ներգրավվածությունը, սպառողների իրազեկվածության աստիճանի բարձրացումը:  

    Հանձնաժողովի նախագահ Հ. Ղահրամանյանը շնորհակալություն հայտնեց ԶԼՄ-ներին, ՀԿ  ներկայացուցիչներին` հանձնաժողովի աշխատանքներն օբյեկտիվորեն լուսաբանելու, աջակցելու համար: Նիստի մասնակիցներն այնուհետև անցան օրակարգային հարցերի քննարկմանը:   

    Հանձնաժողովը բավարարեց «Մ. Էներգո Լ»  ՓԲԸ-ի ներկայացրած հայտը  Քաշաթաղի շրջանի Աղավնո համայնքում`  Հագարի գետի   աջափնյա հատվածում, «Միություն» փոքր հէկի կառուցման համար` նրան տրամադրելով  մինչև 2018թ. դեկտեմբերի 28-ը գործունեության լիցենզիա:  Մեկ այլ որոշմամբ փոփոխություններ կատարեց «Վիսավտ» ՍՊԸ-ի «Ջերմաջուր» փոքր հէկի էլեկտրաէներգիայի հզորության արտադրության լիցենզիայի մեջ: Բավարարելով «Ջրամատակարարում-ջրահեռացում» ՓԲԸ-ի հայտը` հանձնաժողովն ընդարձակեց ընկերության ջրային համակարգի օգտագործման  իրավական, աշխարհագրական տարածքը` ցանկում ներառելով Մարտունու շրջանի Գիշի, Շահումյանի շրջանի Ակնաբերդ, Ասկերանի շրջանի Ծաղկաշատ համայնքները:  

    Հանձնաժողովը հայտարարեց  մի շարք ազատ, չզբաղեցված ռադիոհաճախականությունների մրցույթ: Մրցույթի մասին տեղեկատվությունը կհրապարակվի ԶԼՄ-ներով:  

    «Իմաստ» ՍՊԸ-ն ստացավ հանձնաժողովի համաձայնությունը` կանոնադրական կապիտալի 75 տոկոս բաժնետոմսերը վաճառելու մասին: 

    Սվետլանա ԽԱՉԱՏՐՅԱՆ

    << Վերադարձ ցուցակի