ԱՐԴԻԱԿԱՆ ԹԵՄԱՆԵՐ
  • ՄԱԿ-ը կորոնավիրուսի դեմ պայքարում կօգնի աղքատ երկրներին
    ՄԱԿ-ի գլխավոր քարտուղար Անտոնիու Գուտերիշը հայտարարել է կորոնավիրուսի համավարակի դեմ պայքարում աղքատ երկրներին օգնելու գլոբալ ծրագրի իրականացման մեկնարկի մասին։ Այս մասին հաղորդվում է կազմակերպության կայքում։ Այսպես, Գուտերիշի խոսքերով, ՄԱԿ-ի Արտակարգ արձագանքման կենտրոնական ֆոնդից արդեն 60 միլիոն դոլար է հատկացվել պարենի առաքման, ԱՀԿ առաքելությունների աշխատանքի և բժշկական անձնակազմի և սարքավորումների տեղափոխման համար այդպիսի երկրներ։ Ծրագրի հետագա իրականացման համար ՄԱԿ-ը ևս 2 միլիարդ դոլար է հայցել։ Կազմակերպության ծրագրերում է նաև
  • ԵՄ-ն պետք է ավելի շատ միջոցներ տրամադրի կորոնավիրուսի բռնկման տնտեսական հետեւանքներին դիմակայելու համար
    ԵՄ-ն պետք է ավելի շատ միջոցներ տրամադրի, որպեսզի դիմակայի կորոնավիրուսի բռնկման տնտեսական հետեւանքներին։ Այս մասին հայտարարել է Նիդեռլանդների ֆինանսների նախարար Վոպկե Խուստրան։«Իմ խնդրանքն է՝ անհապաղ ազատեք գումարները ընթացիկ բյուջեում՝ այն տարածքների համար, որոնք հատկապես տուժել են կորոնավիրուսից,- RTL-ին տված հեռուտատեսային հարցազրույցի ժամանակ ասել է նա,- Ես մտածում եմ, մասնավորապես, ֆինանսատնտեսական կողմի, ինչպես նաեւ նոր բազմամյա բյուջեի մասին։ Մտածեք, խնդրում եմ, ճգնաժամի այդ սցենարի մասին»։Եվրոգոտու ֆինանսների նախարարները կհանդի
  • Համաշխարհային տնտեսական աճը պետք է վերականգնվի 2021թ․ ԱՄՀ
    Կորոնավիրուսի համավարակը 2020թ․ գլոբալ հետընթաց կառաջացնի, որն ավելի վատ կլինի, քան 2008-2009 թթ․ համաշխարհային ֆինանսական ճգնաժամի ժամանակ, սակայն համաշխարհային տնտեսական աճը կվերականգնվի 2021թ․, հայտարարել է Արժույթի միջազգային հիմնադրամը։ԱՄՀ տնօրեն Կրիստալինա Գեորգիեւան ողջունել է արտակարգ ֆինանսական միջոցները, որոնք առողջապահության համակարգի ամրապնդման եւ ընկերություններին ու աշխատակիցներին պաշտպանելու, ինչպես նաեւ դրամավարկային քաղաքականությունը պարզեցնելու համար արդեն նախաձեռնվել են շատ երկրների կողմից։ Նա նշել է, որ կպահանջվեն լ
  • ԵՏՀ-ն կորոնավիրուսի բացասական հետեւանքների փոխհատուցման աջակցության միջոցառումներ է ներկայացրել
    Եվրասիական տնտեսական հանձնաժողովը տարածաշրջանի բիզնեսի ներկայացուցիչներին աջակցության միջոցառումներ է ներկայացրել, որպեսզի օգնի փոխհատուցել կորոնավիրուսի համավարակի բացասական հետեւանքները, հայտնում է ԵՏՀ մամուլի ծառայությունը։Միջոցառումների թվում դիտարկվում է ԵՏՄ ներկրման տուրքերի նվազեցումը՝ արտահանման պոտենցիալով բարձրտեխնլոգիական ապրանքների արտադրանքի մեջ օգտագործվող պահեստամասերի եւ նյութերի համար։ Այն հատվածների ցուցակի կազմումը, որոնց համար տուրքերը կնվազեցվեն, նույնպես պետք է ավարտվի ազգային լիազորված կարգավորողների
  • Կորոնավիրուսի պատճառով տնտեսության խափանումը կհանգեցնի գլոբալ հետընթացի․ S&P Global
    S&P Global վարկանշային գործակալությունը նախազգուշացրել է, որ տնտեսության մեջ անսպասելի խափանումը, որը կառաջանա կորոնավիրուսի զսպան պատճառով, այս տարի կհանգեցնի գլոբալ հետընթացի եւ առաջիկա 12 ամիսներին կարող է հանգեցնել ԱՄՆ-ում կորպորատիվ դեֆոլտների մակադակի 10 տոկոս աճի, հայտնում է Reuters-ը։S&P Global-ի կարծիքով՝ դրամական հոսքերի անկումը եւ ֆինանսավորման կոշտ պայմանները, ի լրումն նավթի գների անկման, հարված կհասցնեն վարկունակությանը։  «Այս թվերը, հավանաբար, կհանգեցնեն դեֆոլտների կտրուկ աճի, ընդ որում՝ ԱՄՆ-ում ոչ ֆինանսական ընկերությունների դեֆ
  • ԵԱՏՄ տարածք բժշկական ապրանքների և անհատական պաշտպանության միջոցների ներմուծման մաքսատուրքը կլինի 0%
    Երրորդ երկրներից Եվրասիական տնտեսական միության տարածք բժշկական նշանակության ապրանքների և անհատական պաշտպանության միջոցների ներմուծման դեպքում մաքսատուրքը վեց ամիս ժամկետով կլինի 0 տոկոս:Ինչպես հայտնում է Հայկական միասնական տեղեկատվական կենտրոնը, այսպիսի որոշում է կայացվել Եվրասիական տնտեսական հանձնաժողովի խորհրդի նիստում:«Փոխվարչապետ Մհեր Գրիգորյանը տեսակապի միջոցով այսօր մասնակցել է Եվրասիական տնտեսական հանձնաժողովի խորհրդի նիստին: Նիստի ընթացքում հայկական կողմի նախաձեռնությամբ որոշվել է ԵԱՏՄ տարածք երրորդ երկրներից բժշկակա
  • Հայաստանի ֆինանսական համակարգը շարունակում է բնականոն աշխատանքը․ Կենտրոնական բանկ
    Հայաստանի Հանրապետության ֆինանսական համակարգը շարունակում է բնականոն աշխատանքը։Այս մասին հայտարարություն է տարածել ՀՀ Կենտրոնական բանկի հասարակայնության հետ կապերի ծառայությունը․«Ինչպես ավելի վաղ հայտնել էինք, Հայաստանի Հանրապետության կենտրոնական բանկը հորդորել է առևտրային բանկերին և վարկային կազմակերպություններին ստեղծված իրավիճակում վարկառուների (օրինակ՝ հյուրատնային, ռեստորանային, տրանսպորտի, զվարճանքի ոլորտում գործող) վարկային պարտավորությունների հանդեպ կիրառել անհատական մոտեցում, իրականացնել հաղորդակցում՝ երկկողմանի հա
    Թեժ գիծ
    +374 (047) 959555
    ՀՀ ապահովագրական շուկայի եկամուտների հավասարաչափ բաշխվածության որոշումը

    ԳԱՅԱՆԵ ՀԱՐՈՒԹՅՈՒՆՅԱՆ
    ՀՊՏՀ բանկային գործի և ապահովագրության ամբիոն



    Ապահովագրական շուկայի բնութագրիչներից են ոչ միայն մատուցվող ծառայությունների տարաբնույթ տեսակները, դրանցով հագեցվածության աստիճանը, հավաքագրված ապահովագրավճարների մեծությունը, այլ նաև դրանց բաշխվածությունն ըստ ապահովագրական ընկերությունների: Վերջինս բնութագրում է շուկայի մենաշնորհացման աստիճանը և թույլ է տալիս պարզել հավաքագրված ապահովագրավճարների բաշխվածության հավասարաչափությունը: Հոդվածում փորձ է արվել Ջինիի գործակցի հաշվարկման և կիրառման, ինչպես նաև Լորենցի կորի կառուցման միջոցով պարզելու ՀՀ ապահովագրական շուկայի եկամուտների բաշխման հավասարաչափության մակարդակը:

    Հիմնաբառեր. ապահովագրական շուկա, ապահովագրական ընկերություն, ապահովագրավճարներ, եկամուտներ, Ջինիի գործակից, Լորենցի կոր 



    Ապահովագրական շուկայի կառուցվածքի` ըստ եկամուտների հավասարաչափ բաշխվածությունը մեծ կարևորություն է ստանում այն պարագայում, երբ փորձում ենք պարզել շուկայի մենաշնորհացման աստիճանը: Այդ իսկ պատճառով փորձել ենք հաշվարկել Ջինիի գործակիցը (ինդեքսը): Ջինիի գործակիցը վիճակագրական ցուցանիշ է, որը վկայում է տվյալ պետության կամ տարածաշրջանի բնակչության շերտավորման աստիճանի մասին` ըստ ուսումնասիրվող հատկանիշի: Օրինակ` տարեկան եկամտի աստիճանը որոշելու համար, որը հիմնականում օգտագործում են ժամանակակից տնտեսական հաշվարկներում, Ջինիի գործակիցը հաշվարկվում է հետևյալ կերպ.












    Ջինիի գործակիցը հաշվարկվել է բոլոր ապահովագրական ընկերությունների համար` ըստ եռամսյակների: Այն կարող է ընդունել 0–1 արժեքներ, ընդ որում, որքան Ջինիի գործակիցը մոտ է 0-ին, այնքան եկամուտները հավասարաչափ են բաշխված, իսկ որքան մոտ է 1-ին, այնքան` անհավասարաչափ:
    Համաձայն աղյուսակ 2-ի տվյալների` ՀՀ ապահովագրական շուկայում Ջինիի գործակիցը տատանվում է 0.26−0.49 միջակայքում: Դա վկայում է այն մասին, որ եղել են տարիներ, երբ ՀՀ ապահովագրական շուկայում եկամուտները բաշխվել են խիստ անհավասարաչափ, և առաջատար են եղել հիմնականում երկու ընկերություններ` «Ռոսգոսստրախ-Արմենիա» ԱՓԲԸ և «Ինգո Արմենիա» ԱՓԲԸ: Միևնույն ժամանակ, ՀՀ ապահովագրական շուկայում Ջինիի գործակիցը եղել է 0.49, ինչը վկայում է եկամուտների բաշխվածության խիստ անհավասարության բացակայության մասին (2012 թ. 3-րդ եռամսյակ): 2017 թ. 3-րդ եռամսյակում Ջինիի գործակիցը 0.37 էր, ինչը պայմանավորված էր նրանով, որ «Ռոսգոսստրախ-Արմենիա» և «Ինգո Արմենիա» ԱՓԲԸ-ներին միասին պատկանում էր ՀՀ ապահովագրական շուկայի եկամուտների մոտ 60 տոկոսը: 2017 թ. 4-րդ եռամսյակում Ջինիի գործակիցը կրճատվել է 0.02 միավորով` դառնալով 0.35: Դա պայմանավորված էր նրանով, որ «Ռոսգոսստրախ-Արմենիա» և «Ինգո Արմենիա» ԱՓԲԸ-ներին միասին արդեն բաժին էր ընկնում ՀՀ ապահովագրական շուկայի եկամուտների 54 տոկոսը, իսկ մնացած ապահովագրական ընկերությունները ավելացրել էին իրենց եկամուտների տեսակարար կշիռները: 




















    Ջինիի գործակիցն առավել պատկերավոր դարձնելու համար ներկայացվել է նաև Լորենցի կորը, որը ցույց է տալիս եկամուտների հավասարաչափ բաշխման կորից շուկայական շեղումները 2017 թ. ընթացքում (գծա-
    պատկեր 2): Բացի այդ, Լորենցի կորը թույլ է տալիս պարզել, թե ապահովագրական ընկերությունների հավաքագրած ապահովագրավճարները որքանով են շեղվել լավագույն մակարդակից: Գծապատկեր 2-ում ABCD քառանկյունը ցույց է տալիս եկամուտների շեղումը: Ստացվում է, որ ՀՀ ապահովագրական շուկայում, օրինակ` 2017 թ. 4-րդ եռամսյակում եկամուտները հավասարաչափ բաշխված կլինեին, եթե «Արմենիա Ինշուրանս» ԱՍՊԸ-ն իր եկամուտների տեսակարար կշիռը ավելացներ 0.11-ով, «Ռեսո» ԱՓԲԸ-ն և
    «Արմենիա Ինշուրանս» ԱՍՊԸ-ն միասին` 0.16-ով, «Ռեսո» ԱՓԲԸ-ն, «Արմենիա Ինշուրանս» ԱՍՊԸ-ն և «Սիլ ինշուրանս» ԱՓԲԸ-ն` 0.22-ով, «Ռեսո» ԱՓԲԸ-ն, «Արմենիա Ինշուրանս» ԱՍՊԸ-ն, «Սիլ Ինշուրանս» ԱՓԲԸ-ն և
    «Նաիրի Ինշուրանս» ԱՍՊԸ-ն` 0.21-ով, «Ռեսո» ԱՓԲԸ-ն, «Արմենիա Ինշուրանս» ԱՍՊԸ-ն, «Սիլ Ինշուրանս» ԱՓԲԸ-ն, «Նաիրի Ինշուրանս» ԱՍՊԸ-ն և «Ինգո Արմենիա» ԱՓԲԸ-ն` 0.10-ով:
       






















































































































































































    Այսպիսով` կարող ենք եզրակացնել, որ Ջինիի ինդեքսը թույլ է տալիս.
    - պարզել ապահովագրական շուկայում հավաքագրված ապահովագրավճարների բաշխվածության հավասարաչափությունը,
    - հաշվարկները կատարել բոլոր եռամսյակների համար և տեսնել բաշխվածության շարժընթացը, պարզել, թե որ եռամսյակում է ՀՀ ապահովագրական շուկայում եղել եկամուտների առավելագույնս հավասարաչափ բաշխում,
    - տեսնել, թե բնակչությունն իր նախապատվությունը որ ապահովագրական ընկերությանն է տալիս,
    - կառուցելով Լորենցի կորը` պարզել, թե ապահովագրական շուկայի յուրաքանչյուր ընկերություն որքան լրացուցիչ ապահովագրավճար պետք է հավաքագրեր շուկայում եկամուտների հնարավոր առավելագույն հավասարաչափությունն ապահովելու համար: